Tarayyar Turai ta dakatar da horon soja a Mali | Labarai | DW



Babban jami’in da ke kula da harkokin ketare na Kungiyar Tarayyar Turai Josep Borrell, ya ce kungiyar za ta dakatar da horon da take bai wa sojoji na wucin gadi a kasar Mali. 

Bayan ganawar da ya yi ministocin tsaron kungiyar a Brussels babban birnin kasar Beljiyam, Mr. Borrell ya ce duk da takaicin da suka ji da matakin Mali na ficewa daga kungiyar G5 Sahel, ba za su dakatar da aikin horon ba kwata-kwata ba.

A ranar Lahadin da ta gabata ce dai kasar Mali ta sanar da aniyarta ta ficewa daga kungiyar G5 Sahel da ma rundunar kawancen yaki da ta’addanci a yammacin Afirka da ke samun tallafin kasashen na Turai.

Babban jami’in na kungiyar EU, ya kuma kalubalanci matakin majalisar mulkin soji a Mali na kin raba gari da sojojin haya na kamfanin Wagner daga kasar Rasha da ake zargin su da take hakkin bil Adama. 

An dai kafa kungiyar ta G5 Sahel mai kunshe ne da dakarun kasahen Nijar da Chadi da Burkina Faso da kuma Mauritania a shekarar 2017 da nufin yaki da mayaka masu ikrarin jihadi a yankin.
 




Leave your vote

You may also like

Log In

Forgot password?

Forgot password?

Enter your account data and we will send you a link to reset your password.

Your password reset link appears to be invalid or expired.

Log in

Privacy Policy

Add to Collection

No Collections

Here you'll find all collections you've created before.

omg