NBC Ta Ci Tarar TRUST TV Kan Wani Rahoto Da Ta Yada Kan Ayyukan Yan’ Ta’adda A Najeriya




ABUJA, NIGERIA – A cewar hukumar rohoton ya take ka’idoji da dokokinta kana ya na iya rura wutar matsalar tsaro da kasar ke fuskanta.

Wannan mataki na hukumar NBC na zuwa ne kasa da mako daya bayan da Ministan yada labarai da al’adu a Najeriyar Alhaji Lai Mohammed, ya yi barazanar cewa gwamnatin kasar za ta hukunta kafafen da aka samu da gabatar da rahoton bidiyo na musamman kan ayyukan ‘yan ta’adda a kasar bayan zargin cewar hakan tamkar taimaka wa ‘yan’taddan ake yi.

Sai ga shi jiya Laraba hukumar ta fitar da wata wasika da ta bayyana sunanyen wasu kafafen yada labarai da aka ci tararsu Naira miliyan biyar ciki har da kafar Talebijin ta TRUST TV.

Malam Balarabe Shehu Illela, wanda shi ne shugaban hukumar ta NBC a Najeriya, ya shaida wa Muryar Amurka dalilan da su ka sa aka kai ga daukar wannan matakin, kamar yadda za a ji a sautin cikakken rahoton.

A ranar biyar ga watan Maris din wannan shekara ta 2022 ne kafar talabijin din TRUST TV a Najeriya ta saki wani rahoton bidiyo na musamman kan ayyukan ‘yan ta’adda a kasar. Bidiyon dai na dauke da rahotanni na hakika daga ‘yan bindiga, masana da kwararru a bangaren tsaro da kuma mutanen da harin ‘yan bindiga ya shafa, kamar yadda shugaban gidan telebijin din, Ibrahim Shehu Adamu, ya bayyana.

Tuni dai masu ruwa da tsaki a kasar suka shiga tofa albarcin bakinsu kan wannan hukuncin

Kazalika hukumar NBC ta ce za ta sanya takunkumi ga kafar yada labarai ta BBC bisa wani shirinta na binciken kwakwaf kan ayyukan ta’addanci da barnar ‘yan bindiga a Najeriya.

Matsalar tsaro a Najeriya dai na neman kai wankin hula dare, inda ‘yan kasar ke ci gaba da zaman dardar.

Saurari cikakken rahoton Shamsiyya Hamza Ibrahim:


Leave your vote

You may also like

Log In

Forgot password?

Forgot password?

Enter your account data and we will send you a link to reset your password.

Your password reset link appears to be invalid or expired.

Log in

Privacy Policy

Add to Collection

No Collections

Here you'll find all collections you've created before.

omg