Najeriya Ta Lashe Dukkan Wasanninta Na Rukuni Baya Doke Guinea-Bissau




Najeriya ta kara jaddada matsayinta a gasar cin kofin kasashen nahiyar Afirka ta AFCON bayan da ta doke Guinea-Bissau da ci 2-0.

Wannan shi ne wasan Super Eagle na uku na kuma karshe a rukuninsu na D inda Najeriya ke jagoranci da maki 9.

Dan wasan kasar Sadiq Umar ne ya fara zura kwallo a ragar Guinea-Bissau a minti na 56 – bayan wata babbar dama da ya zubar

A minti na 75 William Troost-Ekong ya kara wata kwallon bayan wata yankar zilliya ta bajinta da Moses Simon ya yi wa masu tsaron bayan Guinea-Bissau.

An dai dauki tsawon lokacin kafin a tantance wannan kwallo a na’urar VAR mai fayyace abin da ya faru.

Da ma dai Najeriya ta riga ta kai ga zagayen ‘yan 16 tun bayan da ta lalalsa Sudan da ci 3-1 a wasanta na biyu.

A wasan na farko ta lallasa Egypt da ci daya mai ban haushi.

Wadannan nasarori suka ba ta damar darewa saman teburin rukunin na D a gasar wacce aka ake yi a Kamaru a karo na 33 yayin da Egypt ke biye da ita.

A nata bangaren, kunnen doki kawai Guinea-Bissau ta yi da Sudan, wanda ya ba ta maki daya.


Leave your vote

You may also like

Log In

Forgot password?

Forgot password?

Enter your account data and we will send you a link to reset your password.

Your password reset link appears to be invalid or expired.

Log in

Privacy Policy

Add to Collection

No Collections

Here you'll find all collections you've created before.