An Kubutar Da Tsohon Sakatare Janar Na NFF Sani Toro




Rahotanni daga Najeriya na cewa an sako tsohon Sakatare Janar na hukumar kwallon kafar Najeriya NFF, Alhaji Sani Ahmed Toro da wasu mutane biyu da aka yi garkuwa da su a karshen makon da ya gabata.

A ranar Talata aka sako Toro.

Toro da wasu abokanan tafiyarsa biyu sun fada hannun masu garkuwa da mutane yayin da suke hanyarsu ta komawa Bauchi daga Abuja, babban birnin Najeriya.

Lamarin ya faru ne a yankin karamar hukumar Akwanga da ke jihar Nasarawa.

Tsohon shugaban hukumar ta NFF, Alhaji Aminu Maigari, wanda shi ma ya jagoranci hukumar a baya-bayan nan, na daga cikin wadanda suka yi jagora wajen ganin an kubutar da su kamar yadda ya tabbatar ma Muryar Amurka.

Yayin wata hira da Maigari ya yi da Muryar Amurka, ya fada cewa ba a biya ko sisi ba aka sako Toro da mutanen.

“Ba a ba da ko kwabo ba, addu’a kawai muka yi ta yi.” In ji Maigari a lokacin da aka tambaye shi ko an biya kudi n fansa.

Abdulkadir Sani Toro, da ga Toro, ya kara tabbatarwa da Muryar Amurka cewa an sako mahaifin nasu.

Ya kara da cewa mahaifin nasu yana cikin koshin lafiya.

A halin da ake ciki kuma, an samu rahoton da ke nuni da cewa an sako Sarkin Kauyen Zira ,Yahaya Saleh da dansa mai suna Habibu Saleh Abubakar, su ma dai a yau din ne aka sako su.

Saurari cikakken rahoton Abdulwahab Muhammad daga Bauchi:


Leave your vote

You may also like

Log In

Forgot password?

Forgot password?

Enter your account data and we will send you a link to reset your password.

Your password reset link appears to be invalid or expired.

Log in

Privacy Policy

Add to Collection

No Collections

Here you'll find all collections you've created before.

omg