An Bude Wani Babban Taro Kan Tsaro A Najeriya Don Bitar Darussan Da Za A Iya Koya Daga Yakin Basasar Kasar



Babban hafsan Hafsoshin dakarun kasar Laftanat Janar Farouq Yahaya yace yakin basasar kasar ka iya zama zakaran gwajin dafi ga Askarawan kasar musamman kalubalen da aka fuskanta a wancan lokaci na rashin iya jigilar isassun kayan aiki zuwa filing daga da ma rashin isassun makamai.

Laftanar janar Farouq Yahaya Wanda Manjo Janar AB Ibrahim ya wakilceshi yace kai kayayyakin da dakaru ke bukata shine kashin bayan cin nasarar Duk wani yaki .

Yace wahalhalun dake tattare da samarwa dakaru makamai daga kasashen waje musamman irin sharruddodi da ka’idoji masu tsauri nadaga cikin irin kalubalen dake yin tarnaki ga dakarun Najeriya

Tunda farko saida kwamandan kwalejin horasda dabarun yakin ta Najeriya Manjo Janar Solomon Odounwa yayi bayanin cewa taron zai tattauna dalla dalla da kuma yin bitar yadda aka gudanar da yakin basasar Najeriya da zummar zakulo mahimman darussan da za a iya dauka don tunkarar kalubalen tsaro da ake fuskanta a kasar a halin yanzu.

An dai gabatar da kasidu daban daban yayin wannan taron, Inda masanin tsaro kuma babban malami a jami’ar Jos Farfesa Shedrack Best yayi bayani kan cewar shekaru hamsin da kammala yakin basasar to kuwa lalle akwai darussan da yakamata a koya.

Shehin malamin yace da ya kyautu ace yanzu Najeriya na kera makamai a cikin gida batare da dogara da kasashen wake ba.


Leave your vote

You may also like

Log In

Forgot password?

Forgot password?

Enter your account data and we will send you a link to reset your password.

Your password reset link appears to be invalid or expired.

Log in

Privacy Policy

Add to Collection

No Collections

Here you'll find all collections you've created before.