Kimanin mutane 110 suka halaka a kasashen Jamus da Beljiyam yayin da masu aikin gaggawa ke ci gaba da neman mutanen da suka makale sakamakon faruwan lamarin. Shugaba Frank-Walter Steinmeier na Jamus ke ziyarar yankin yammacin kasar wuraren¬† da aka samu ambaliyar ruwan, inda zai gana da ma’aikatan agajin gaggawa wadanda suke ci gaba da aikin ceton mutanen da ambaliyar ta ritsa da su. Jihohi biyu na Jamus da ambaliyar ta fi shafa su ne Rhineland-Palatinate da North Rhine-Westphalia inda mazaunin tashar DW take.

A Jamus akwai mutane 1,300 da ake ci gaba da nema bayan faruwan wannan ambaliyar. Tuni gwamnatin Jamus ta fara amfani da sojoji a aikin ceton.

Shugabar hukumar gudanarwar Tarayyar Turai, Ursula von der Leyen ta ce ambaliyar ruwan na yammacin Turai ta nuna irin matsalolin da sauyin yanayi ya haifar tare da bukatar ganin an dauki mataki a kai.